İtaliya dövlət sektorunda Rusiya antivirus proqramlarından istifadəni dayandırmaq niyyətindədir. Səbəb Rusiyanın Ukraynaya təcavüzüdür. İtaliya hakimiyyəti Rusiyanın antivirus proqramlarının ölkənin əsas internet saytlarını sındırmaq üçün istifadə oluna biləcəyindən ehtiyat edir.
Reuters agentliyinin məlumatına görə, hökumətin yeni qaydaları yerli hakimiyyət orqanlarına bütün potensial təhlükəli proqram təminatını əvəz etməyə imkan verəcək. Bu həftədən etibarən qüvvəyə minəcək qaydalar, görünür, dünya miqyasında məşhur rus antivirus istehsalçısı Kaspersky Lab-a yönəlib.
Photo Gallery
Cavab olaraq firma vəziyyəti izlədiyini və ölkədəki işçilərinin taleyi ilə bağlı “ciddi narahatçılığa” malik olduğunu və onların texniki deyil, geosiyasi səbəblərin qurbanı ola biləcəyini bildirib. O, həmçinin vurğulayıb ki, bu, özəl şirkətdir və Rusiya hökuməti ilə heç bir əlaqəsi yoxdur.
Sizi maraqlandıra bilər
Bu həftənin əvvəlində Almaniyanın federal kibertəhlükəsizlik agentliyi BSI (Bundesamt für Sicherheit in der Informationstechnik) Kaspersky Lab müştərilərinə ciddi haker hücumları riski barədə xəbərdarlıq edib. Məlumata görə, Rusiya hakimiyyəti şirkəti xarici İT sistemlərinə müdaxilə etməyə məcbur edə bilər. Bundan əlavə, agentlik xəbərdarlıq edib ki, hökumət agentləri onun texnologiyasından onun xəbəri olmadan kiberhücumlar üçün istifadə edə bilərlər. Şirkət səlahiyyətli orqanın xəbərdarlığı siyasi səbəblərə görə verdiyinə inandığını və onun nümayəndələrinin artıq Almaniya hökumətindən izahat istəyib.
